Grupi Punues i Gemrave të GJPKT-së

Aktivitetet e Fazës I

Grupi punues i femrave të GJPKT-së është themeluar nga fundi i verës së 2004: anëtare janë aktivistet dhe udhëheqëset e OJQ-ve, profesionistet dhe përfaqësueset e komunitetit, dhe grupi përbëhet nga femrat që vijnë nga të katër komunat dhe etnicitetet e zonës së GJPKT-së.

Pas diskutimeve preliminare për nevojat e përbashkëta në vjeshtë të vitit 2004, nga EWI është siguruar trajnimi dhe ngritja e kapaciteteve për anëtaret e grupit në lëminë e hulumtimit të veprimeve (Azhurimin 5 të aktiviteteve të GJPKT-së), aftësimin themelor për kompjutorë (Azhurimin 6 të aktiviteteve të GJPKT-së) dhe menaxhimin e ciklit të projektit (Azhurimin 8 të aktiviteteve të GJPKT-së) në nëntor dhe dhjetor të vitit 2004.

Si njëra nga sfidat kryesore me të cilën ballafaqohen femrat e mikrorajonit është identifikuar diskriminimi gjinor në fusha të ndryshme, dhe avokimi do të vazhdojë të jetë fushë kyçe në punën e mëtutjeshme të Grupit punues të femrave të GJPKT-së. Grupi ka ndërmarrë nismën e vet të parë avokuese – Peticionin për paqe (Azhurimin 14 të aktiviteteve të GJPKT-së), për të cilën anëtaret dhe vullnetaret e grupit kanë mbledhur mbi 6,650 nënshkrime në tërë mikrorajonin që nga fundi i shkurtit deri në fillim të marsit 2005. Si vazhdim i kësaj përvoje të parë praktike me avokimin, u organizua trajnimi në teknikat e avokimit të bazuara në qytetarin (Azhurimin 18 të aktiviteteve të GJPKT-së) në maj të vitit 2005 në bashkëpunim me degën kosovare të Institutit demokratik kombëtar (NDI).

Grupi gjithashtu punon në drejtim të promovimit të mëtejshëm të çështjeve gjinore përmes mediave, dhe përmes bashkëpunimit me Grupin punues të mediave të GJPKT-së. Panel diskutimi shumëgjuhësor në televizion (lidhja me Azhurimin 24 të aktiviteteve të GJPKT-së) për femrat dhe vendimmarrjen në mikrorajon është organizuar në Gjilan në bashkëpunim me dy stacione televizive të Grupit punues të mediave të GJPKT-së në qershor të vitit 2005, dhe është treguar si shumë i suksesshëm. Aktivitetet e tjera të implementuara në qershor përfshijnë hartimin e hulumtimit të politikave në mekanizmat gjinor në kuadër të qeverive lokale të GJPKT-së (Informimi mbi politikat e GJPKT-së Mekanizmat gjinorë të qeverive lokale në mikrorajonin e GJPKT-së: Vlerësim, Kristina Hadzi-Vasileva, qershor 2005), dhe organizimin e takimit për avokimin në komunitet (Azhurimin 25 të aktiviteteve të GJPKT-së) në Preshevë për ta adresuar mungesën e ekspertëve në dispozicion për fëmijët me nevoja të posaçme.

Takimi i fundit i Grupit punues të femrave të GJPKT-së (Raportin 31 të takimeve të GJPKT-së) për ciklin e parë të projektit është mbajtur në gusht të vitit 2005, me qëllim të diskutimit të të arriturave dhe problemeve gjatë më se dy viteve të fundit, dhe drejtimeve strategjike për aktivitetet e vazhdueshme ndërkufitare që do të vazhdojnë në ciklin e dytë të GJPKT-së. Si pjesë e sistemit të brendshëm monitorues dhe vlerësues të EWI-së, në fund të takimit të gjithë pjesëmarrësve u është kërkuar ta plotësojnë një pyetësor lidhur me opinionin e tyre për aktivitetet e deriatëhershme të GJPKT-së dhe për pritjet e tyre në të ardhmen.


Aktivitetet e fazës II

Grupi punues i femrave të GJPKT-së u takua në fillim të fazës së dytë të projektit (Fazën II të GJPKT-së – Raporti nr. 1 i takimeve të Grupi punues të femrave) në janar të vitit 2006 për t’i diskutuar të arriturat e tyre të deriatëhershme, sfidat dhe nevojat e përbashkëta si dhe çështjet që duhen adresuar gjatë viteve në vijim. Grupi punues gjithashtu ka identifikuar qëllimet për punën para tyre: të punohet së bashku drejt ndërtimit të paqes ndërmjet komuniteteve të GJPKT-së; promovimit dhe përkrahjes së femrave udhëheqëse dhe vendimmarrëse; promovimit të punësimit të femrave dhe trajtimit të duhur në vendet e punës; punës për parandalimin dhe redukimin e dhunës ndaj femrës; si dhe punës për promovimin e shëndetit të femrës.

Aktiviteti i parë i ciklit të dytë të projektit të GJPKT-së është mbajtur më 1 prill në Kumanovë, ‘Dita e buzëqeshjes’ (Fazën II të GJPKT-së – Raporti nr. 2 i takimeve të Grupit punues të femrave) – i pari në vazhdën e serisë së planifikuar të ditëve të aktiviteteve shumëetnike prindër-fëmijë. Kjo ngjarje ka mbledhur mbi 30 fëmijë si dhe prindërit ose mësimdhënësit e tyre, të cilët kanë kaluar një pasdite të këndshme të veshur me shije në qendrën e lojërave në Zafirce, me ç’rast kanë pranuar edhe fanella si dhe pije e ushqime freskuese. Mediat lokale kanë mbuluar gjerësisht këtë ngjarje, dhe reportazhi 3 minutësh është transmetuar në Kosovë dhe Maqedoni nga seksioni në gjuhën shqipe i Zërit të Amerikës.

Aktivitetet në vijim të Grupit punues të femrave përfshijnë debatin televiziv për femrat dhe ekonominë në prill, edicionin e dytë të ‘Ditës së buzëqeshjes’ në qershor, dhe planifikimin e një fushate avokimi për dhunën në familje.