Komiteti për Arsim i GJPKT-së

Aktivitetet e fazës I

Pas takimit të Grupit punues për arsimin të mbajtur në nëntor të vitit 2004 (Raporti 11 i takimeve të GJPKT-së), është themeluar Komisioni për arsim i GJPKT-së. Në Komision janë të angazhuar mësimdhënësit, drejtorët e shkollave, zyrtarët komunal të arsimit, dhe prindërit të cilët janë të lidhur me kopshte të ndryshme fëmijësh, shkolla fillore dhe të mesme nga të katër komunat dhe grupet etnike në mikrorajonin e GJPKT-së.

Duke filluar që nga ngjarja e parë në të cilën pati bashkëpunim, dita garuese e shkollave (Azhurimin 2 të aktiviteteve të GJPKT-së) në nëntor të vitit 2003, Komisioni është takuar regullisht gjatë vitit të kaluar për t’i diskutuar nevojat dhe problemet e përbashkëta, dhe për t’i identifikuar zgjidhjet bashkëpunuese. Anëtarët e Komisionit gjithashtu kanë përfituar nga trajnimi i EWI-së për aftësimin themelor për kompjutorë (Azhurimin 6 të aktiviteteve të GJPKT-së) dhe menaxhimin e ciklit të projektit (Azhurimin 8 të aktiviteteve të GJPKT-së) në nëntor dhe dhjetor të vitit 2004.

Aktivitetet në vitin 2005 kanë filluar me Garën në art të fëmijëve të GJPKT-së (Azhurimin 13 të aktiviteteve të GJPKT-së), të mbajtur në fund të shkurtit 2005, dhe aktivitetin e parë multietnik të mbajtur në komunën ‘e re’ partnere, Tërgovishte (komunë e banuar kryesisht me serbë etnikë e cila i është bashkëngjitur rajonit të GJPK-së nga mesi i vitit 2004): fëmijët e grupeve etnike shqiptare, serbe dhe maqedone nga që të katër komunat e GJPKT-së kaluan një ditë duke bërë vizatime me temën ‘Shokët përgjatë kufinjëve’.

Pas suksesit të garës në art, në Preshevë është organizuar Gara verore sportive e shkollave të GJPKT-së (Azhurimin 19 të aktiviteteve të GJPKT-së) në maj të vitit 2005 ku morrën pjesë fëmijët e të katër komunave. Ekipet nga gjashtë shkolla kanë garuar në futboll, basketboll dhe atletikë, dhe propozimi që gara të bëhet aktivitet vjetor sportiv i shkollave të GJPKT-së fitoi përkrahje të gjerë.

Komisioni për arsim i GJPKT-së e përfundoi verën me një sërë shfaqjesh bashkëpunuese teatrore (Azhurimi 26 i aktiviteteve të GJPKT-së) në qershor të vitit 2005. Pas propozimeve dhe takimeve planifikuese të Komisionit (Raporti 18 i takimeve të GJPKT-së), shkollat e GJPKT-së nga secila komunë i kanë bashkuar përpjekjet e tyre për t’i mbajtur katër shfaqje, dhe secila prej tyre përbëhej nga vallëzimi i shkurtër, këngë ose komponente teatrore nga shkollat e ndryshme, në secilin nga qytetet e GJPKT-së. Me audiencë nga komunitetet si dhe nga shkollat nikoqire, dhe me shfaqjen e muzikave të ndryshme tradicionale dhe vallëzimeve, kjo seri e aktiviteteve të përbashkëta teatrore paraqet progres të konsiderueshëm në inkurajimin e vetëdijësimit kulturor dhe tolerances.

Nga përfundimi i fazës së parë të aktiviteteve të projektit, Komisioni i arsimit u mblodh në gusht të vitit 2005 (Raporti 32 i takimeve të GJPKT-së) për t’i shqyrtuar drejtimet strategjike të aktiviteteve të vazhdueshme ndërkufitare që do të shkojnë në ciklin e dytë të GJPKT-së. Si pjesë e sistemit të brendshëm monitorues dhe vlerësues të EWI-së, në fund të takimit të gjithë pjesëmarrësve u është kërkuar ta plotësojnë një pyetësor lidhur me opinionin e tyre për aktivitetet e deriatëhershme të GJPKT-së dhe për pritjet e tyre në të ardhmen.

Aktivitetet e fazës II

Komisioni për arsim filloi fazën e dytë të projektit të GJPKT-së me takimin për planifikim strategjik (Fazën II të GJPKT-së – Raporti nr. 1 i takimeve të Komisionit për arsim). Kur kemi parasysh të arriturat dhe sfidat e vitit të kaluar, si dhe rezultatet e pyetësorit vlerësues nga gushti 2005, anëtarët e Komisionit i identifikuan problemet dhe nevojat e përbashkëta, qëllimet e punës së tyre bashkëpunuese dhe bashkëpunimit ndërkufitar të vazhdueshëm ndërmjet mësimdhënësve dhe nxënësve në komunitetet e GJPKT-së, dhe planifikuan një sërë aktivitetesh dhe trajnimesh ndërkufitare të përbashkëta për muajt në vijim.

Në marsin e vitit 2006 ndodhi aktiviteti i parë i Komisionit për arsim, kursi trajnues dy ditorë për mbledhjen e fondeve (Fazën II të GJPKT-së – Raporti nr. 2 i takimeve të Komisionit për arsim), i mbajtur në Brezovicë, Kosovë, dhe i organizuar bashkërisht nga EWI dhe Catholic Relief Services. Në bazë të formularëve të aplikimit, morën pjesë dhjetë mësimdhënës të përzgjedhur nga shkollat e GJPKT-së, duke i përmirësuar shkathtësitë e tyre në hartimin e propozimeve, marrëdhëniet me donatorët, metodat, mundësitë e financimit, aplikimet, prezantimin e informatave dhe raportimin.

Aktiviteti i ardhshëm i Komisionit – Dita e shkëmbimit kulturor (Fazën II të GJPKT-së – Raporti nr. 3 i takimeve të Komisionit për arsim) në Kumanovë, u mbajt në fillim të prillit 2006. Me atë rast morën pjesë nxënësit e shkollave fillore nga të katër komunat dhe mësimdhënësit e tyre, të cilët vizituan pikat kulturore në dhe rreth Kumanovës. Ditët e shkëmbimit kulturor janë planifikuar të zhvillohen në të gjitha komunat e GJPKT-së deri në fund të vitit.